Ad festum sanctae virginis Catharinae et

Ad festum sanctae virginis Catharinae et martyris dei laetentur populi per omne tempus saeculi | Haec nam virgo deo digna pia dulcis et benigna bis sex dies jejunando complevit in ergastulo | Quae pugnantes vituperat illos cum quibus lis erat dicens qui in deo sperat semper vincit si sufferat | Cui missus est Michael archangelus et signifer ut secura de praelio sit dei adjutorio | Demum christus apparuit quem virgo sancta meruit videreque renuit mundum de quo non doluit | Virgo nata regis Costi miserere semper nostri ne sit dies judicii nobis plena supplicii | llud imple quod petisti et tu rex qui promisisti ut in exitu animae sit nobis salus veniae | Laus honor et imperium sit creatori omnium cum nazareno filio et spiritu paraclito | Amen