Audite quid dixerit Sybilla | Judicii signum

Audite quid dixerit Sybilla | Judicii signum tellus sudore madescet | E caelo rex adveniet per saecula futurus | Scilicet in carne presens ut judicet orbem | Unde deum cernent incredulus atque fidelis | Celsum cum sanctis aevi jam termino in ipso | Sic animae cum carne aderunt quos judicet ipse | Cum jacet incultus densis in vepribus orbis | Reicient simulacra viri cunctam quoque gazam | Exure[t] terras ignis pontumque polumque | Inquirens tetri portas effringet Averni | Sanctorum sed enim cuncte lux libera carni | Tradentur sontes aeternaque flamma cremabit | Occultos actus retegens tunc quisque loquetur | Secreta atque deus reserabit pectora luci | Tunc erit et luctus stridebunt dentibus omnes | Eripitur solis jubar et chorus interit astris | Volvetur caelum lunaris splendor obibit | Dejiciet colles valles extollet ab imo | Non erit in rebus hominum sublime vel altum | Jam aequantur campis montes et caerula ponti | Omnia cessabunt tellus confracta peribit | Sic pariter fontes torrentur fluminaque igni | Et tuba tunc sonitum tristem dimittet ab alto | Orbe gemens facinus miserum variosque labores | Tartareumque chaos monstrabit terra dehiscens | Et coram hic domino reges sistentur ad unum | Decidet e caelo ignisque et sulphuris amnis.