Benedicite omnia opera domini domino laudate

Benedicite omnia opera domini domino laudate et superexaltate eum in saecula | Benedicite angeli domini domino benedicite caeli domino | Benedicite aquae omnes quae super caelos sunt domino benedicite omnis virtutes domini domino | Benedicite sol et luna domino benedicite stellae caeli domino | Benedicite imber et ros domino benedicite omnes spiritus domini domino | Benedicite ignis et aestus domino benedicite frigus et aestas domino | Benedicite rores et pruina domino benedicite gelu et frigus domino | Benedicite glacies et nives domino benedicite noctes et dies domino | Benedicite lux et tenebrae domino benedicite fulgura et nubes domino | Benedicat terra dominum laudet et superexaltet eum in saecula | Benedicite montes et colles domino benedicite universa germinantia in terra domino | Benedicite fontes domino benedicite maria et flumina domino | Benedicite cete et omnia quae moventur in aquis domino benedicite omnes volucres caeli domino | Benedicite omnes bestiae et pecora domino benedicite filii hominum domino | Benedicat Israel dominum laudet et superexaltet eum in saecula | Benedicite sacerdotes domini domino benedicite servi domini domino | Benedicite spiritus et animae justorum domino benedicite sancti et humiles corde domino | Benedicite Anania Azaria Misael dominum laudate et superexaltate eum in saecula | Benedicamus patrem et filium cum sancto spiritu laudemus et superexaltemus eum in saecula | Benedictus es domine in firmamento caeli et laudabilis et gloriosus et superexaltatus in saecula