H[ym]num canamus gloriae hymni

H[ym]num canamus gloriae hymni novi nunc personent Christus novo (cum tramite ad patris) [ascendit thronum] | Transit triumpho gloriae poli potenter culmina qui morte mortem assu[mpse]rat derisus a mortalibus | Apostoli tunc mystico in monte stante chris[matis cum] matre clara virgine Jesu videbant gloriam | Hoc prosecuti lumine laeto [peten]tem sydera laetis per auras cordibus duxere regem saeculi | Quos alloque[ntes] angeli quid astra stantes cernitis salvator hic est inquiunt Jesus triumpho [nobi]li | A vobis ad caelestia qui regnat nunc assumptus est venturus inde saeculi in [fine] judex omnium | Quo vos precamur tempore Jesu redemptor unice inter tuos [in] aethera servos benignus aggrega | Da nobis illuc sedula devotione [ten]dere [quo] te sedere cum patre in arce regni credimus | Gloria tibi domine qui scandis supra sy[dera] cum patre et sancto spiritu in sempiterna saecula | Amen