[In hujus igitur noctis gratia suscipe

[In hujus igitur noctis gratia suscipe sancte pater incensi hujus] sacrifícium vespertinum | Quod tibi in hac cerei oblatione sollemni per ministrorum manus de operibus apum sacrosancta reddit ecclesia | Sed jam columnae hujus praeconia novimus quam in honorem dei rutilans ignis ascendit | Qui licet sit divisus in partes mutuati {tamen} luminis detrimenta non novit | Alitur liquentibus ceris quam in substantiam pretiosae hujus lampadis apis mater eduxit | Apis ceteris que subjecta sunt homini animantibus antecellit | O vere beata nox que expoliavit Aegyptios ditavit Hebraeos | Nox in qua terrenis caelestia junguntur | Oramus ergo te domine ut cereus iste in honorem nominis tui consecratus ad noctis hujus caliginem destruendam indeficiens perseveret | In odorem suavitatis acceptus supernis luminaribus misceatur | Flammas ejus lucifer matutinus inveniat | Ille in quam lucifer qui nescit occasum | Ille qui regressus ab inferis humano generi serenus illuxit | Praecamur ergo te domine ut nos famulos tuos omnem clerum et devotissimum populum una cum papa nostro et rege nostro et antistite nostro quiete temporum concessa in his paschalibus gaudiis conservare digneris | Per dominum nostrum Jesum Christum {filium tuum qui tecum vivit et regnat in unitate sancti deus per omnia saecula saeculorum | Amen}